Bistrotisch, Mikrofone, Laptop aufstellen T: So, das wärs. B: Gudd, dann kenne ma jo losläe. T: Mir wollde euch nämlich heut Omend mol es Internet vorführe. B: dat es ziemlich interessant, was ma do alles im www erläwe kann. T: hä in was ? WWW, was ess en das? B: ei e Englisch Wort für Internet – wörtlich üwwersetzt heißt datt welt- weites-warten T: Ach so. Solle ma mol anfange? B: Gudd, mache ma ne mol ahn? Do ess jo Windows 98 droff. Was muß ich dann do jetzt dregge ? T: Ei am beschde die Daume. Unn, hats geklappt ? B: Jo, Gates äh Gott sei Dank. T: Sah mol, sollde mir däne Leit net vielleicht mol seerschd erkläre, wie so e Computer üwwerhaupt funktioniert? B: Mhh, dass es e goodie Idee. Ich gehen mol in die Hilfe-Funktion von Windows. T: Scheiße, do ess es nadierlich nur off Englisch erklärt. Awwer mir probiere mol das ganze off Deutsch se erkäre. Für die wo net met me Spiel Bub, also me Game Boy offgewachst senn unn die Begriffe deshalb net off natürlichem Weg lerne konnde. B: De meischde von eich ess klar, dass des englische Wort Computer von dem Verb compute (rechnen, schätzen) kommt. E Computer ess also es Rechner odder Schätzer.
enfache Sache ahn, die ma anfasse und deshalb ach leicht begreife kann. Also. All Enzeldäle von dem Schätzer were als Harttware (in Englisch Hardware) bezeichnet. Ess es ach wichtisch, dass ma e guddie Harttware kaafe dut, weil nur dort die Weichware (odder in Englisch Software) schnell laafe dut. T: das ess wie Sonndachs om Sportplatz – wenn die net es richdische Bier krien, dann laafe die ach net B: Wichtisch ess ach, dass in dem Computer mindestens 16 Riesenbiss Erinnerung, (also 16 MegeByte Memory) engebaut senn. Daß ess grad so viel, dass die Weichware Fenster 95 von der Firma Winzigweich, also Windows 95 von Microsoft, lafe dut. T: Das neue Windows kann jo enfach alles Dank 32 Bit B: Jo, wenn ich 32 Bit getrunk han, dann glaab ich awwer ach , dass ich alles kann. T: Es gibt jo neuerdings ach däne Begriff Gigabyte, also Gigantischbiss. Das ess ungefähr 1000 mol soviel wie e Megabyte. Ums mol anschaulich klar se mache, holle ma mol de Metzjer. Der verkaaft so am me normale Dach 1 Megabyte Bier. Awwer wenn Dienschdas Ohments de Boule-Club dort ess, dann verkaaft er e Gigabyte Bier. B: Sowieso, was heutzutag die moderne Technik alles vertischbringt T: Jo, in Amerika hann Wissenschaftler jetzt e denkender „Super-Computer“ entwicklet, der angeblich alles wisse soll. B: Genau, unn e Kauf-Interessent wollt dat nadierlich vorher ausprobiere und hat em e Testfroh gestellt: "Wo ist mein Bruder zur Zeit?", wollt er vom Computer wisse T: Die Wissenschaftler han die Froh engenn unn der Computer hat gerechnet - dann hat er ausgedruckt : "Ihr Bruder sitzt in der Maschine LH474 nach Peking! Er will dort mit der Firma Osuhushi einen Vertrag in Höhe von 2 Mio. Dollar abschliessen über die Lieferung von ..." jo, unn so weider B: Der Käufer war begeischdert awwer um ganz sicher se gehen, hat er noch was gefroht: "Wo ist mein Vater zur Zeit?"
und druckt aus: "Ihr Vater sitzt am Mississippi und angelt!" B: "Haa! - Wuschd ichs doch, dass er net alles wäs!“ hat der Mann do geschreit unn gesaat: „Mei Vadder ist nämlich seit 5 Johr dod!" T: Jo, do ware die Wissenschaftler nadierlich bestürzt, hann kurz üwwerläht unn die Froh nochmol zur Kontroll engenn B: Der Computer hat dann es bisje länger gerechnet unn schließlich ausgedruckt: "Tot ist der GATTE IHRER MUTTER! Ihr VATER sitzt am Mississippi und angelt!" T: Wo ma grad bei dem Thema senn, do hat jo e Dokder deledschd e Gerät entwickelt, dass bei der Geburt die Schmerze von der Mudder off de Vadder üwwertrat. Das hann se dann bei me junge Ehepaar probiert. Wie die Wehe ensetze senn se ins Krangehaus gefahr unn der Vadder ess verkabelt wor. Dann hann se die Maschin angeschalt, se erschd mol off 10 % - awwer de Vadder hat nix Besonneres gemerkt Also hann se erhöht off 20 % - do ess es der Mudder schon e bisje besser besser gang, awwer der Vadder hat immer noch nix gemerkt. Do hann se dann weider erhöht off 40 – 60 – 80 unn schließlich off 100 % - Wie dann die Frau ess Kind kritt hat hodde weder Mudder noch Vadder Schmerze. Bes off de Doktor ware nadierlich all richtisch glecklich, nur wie se dehemm ware, hat de Postbot tot vorm Breifkaschde geleh ... B: So jetzt wisse ma jo e bisje üwwer die Technik. Komme me ma jetzt zum Internet. Do gibt’s jo grundsätzlich 2 Mechlichkeide: Änmol kann ma ins Internet surfe gehen odder E-Mails verschigge. Surfe bedeutet eigentlich – net dat wat ihr jetzt denge: mem Computer off em Bostalsee beu Wind unn Wetter versuche üwwerm Wasser se bleiwe – nä – dat ess nur e anneres Wort für „Suchen“ – onn e E-Mail es e elektronischer Brief. T: Heer ma dodemet off. Ich hann das deledschd probiert. Das ess alles Quatsch. Ich hann mich hingehuggt, mei Brief geschrieb, in s Kuvert gemacht, Briefmark droff und ab .... Onn was war .. er hat net ens Diskettelaufwerk gepasst. B: das ess jo bleed, was haschde dann do gemacht ?
einfach met me klänere Brief probiert. Der hat dann zwar erin gepasst, awwer gedon hat sich ach nix .... nur dass mei Diskettelaufwerk seit dem nimee geht.... B: Wenn ma Probleme hat, hat ma jo ach die Möglichkeit, die Hotline anzurufe, obwohl dat net immer so vorteilhaft ess ... T: Jo, her off, das hann ich ach mol probiert. Ich hann angeruf unn gesaat: „Gunn dach, seit ich Windows 98 installiert hann, geht mei Office 97 nimme.“ Doo han die gesat: „Ja, dieses Problem hatten wir auch.“ „Unn, was hann ihr geamcht, hann ich gefroot“ – „ei wir haben einfach Win 98 nochmal installiert“. Gudd das hann ich dann ach gemacht. E Stunn später hann ich nochmol angeruft unn hann gesaat „Jetzt geht bei mir gar nix meh“ – „Do hann die am annere Enn gesaat, „bei uns ach net“ B: So jetzt gehen ma mol ins Internet e bisje surfe [eingeben]..... Gudd ... T: Wie, senn mir do schon drenn odder was? B: Jo, klar ... T: das ess jo ennfach .... B: Do gibt’s jo zu allem Mechlische e Seit. T: Jo, ma kann jetzt sogar per Internet e Job suche. Do gebts für jeder ebbes. Sogar de Bruder vom me Freund von mir hat dort was gefunn – unn der ess erschd 13 Monat alt. B: echt, sah nur .... T: jo, der ess jetzt Testpinkler bei Pampas B: Ma kann jo ach alles mechliche gewinne – do z.B. off der do Seit kann ma e dreitägiger Zelturlaub im Marpinger Härtelwald mit „Kapellenbesichtigung unn Marieerscheinung“ gewinne. Es gibt ach vill wissenswertes – do z.B. steht dass beim menschliche Gehirn nur ein drittel arbeitet T: Echt ? ... – unn was macht das annere Drittel B: Odder do, iwwer fremde Kulture:
In China schätzt man das menschliche Leben nicht hoch ein. Wenn ein reicher Chinese wegen eines Verbrechens zum Tode verurteilt wird, kann er einen anderen Mann mieten, der für ihn stirbt. – Viele arme Chinesen verdienen sich so ihren Lebensunterhalt. T: Ess jo ach jeder Ort im Internet B: ... außer Mosbersch T: Joo, wieso ? B: Ei die Date werre jo iwwers Telefon üwwertra. Nur in Mosbersch hann se jo kä Telefon sondern dun sich mit Rauchzeiche verständige – unn der Haupt-Sende-Indianer off em Bersch, der wo die Rauchzeiche gemacht hat, dem war das zu viel Streß – der ess enfach mit der hohe Üwwertragungsrate im Internet net klar komm - deshalb hat er gekünigt T: es gibt ach aus Walhause es paar interessante Seide - do z.B., www.DFB.Fussballclubs.UntereVereine.Kreisliga.so schlecht daß ma nimme absteije kann.chaos-Kicker.de - die Fan-Seit vom FC Walhausen. B: oh, do ess jo Bild vom Thomé Hermann, als er noch jung onn knackig war. T: woher willschde dann wisse, dass das do de Hermann ess ? B: ei, sischde net, der hat doch die Ziggar im Mund .... was steht en do ? Help .. Hilfe ... in all Sproche hann di dat do hin geschrieb T: Ei haschde noch net geheert, die hann doch im Moment e Spielermangel. Unn do hood de WieNa, als offizieller Spielereinkäufer, die Idee gehatt weltweit se suche. Irgendwo muß es doch äner genn, der net so viel Bier trinkt, awer dodefür besser Fußball spiele kann. Die Mannschaft ess jo ach teilweise schon zu alt.
Rudi en de Halbzeit zu änem von seine Fußballspieler gesaht: „Jetzt geschde mol so richtisch dran, unn dann beischde mol die Zähn sesamme.“ Dodroff sahht der nur: „Das geht net !“ De Rudi: „Ei warum dann net ?“ „Ei die hann ich dehemm off em Nachdschenkelsche leije geloß.“ T: Awwer zum Schluß hann se doch noch gewonn. Se hann sich nämlich in da Halbzeit en de Kabin richtisch nett mit ihrm Geschner geinischt: Der es dodenoh nur noch met neun Mann offgelaf – weil die Zwei von däne, wo am Beschde getroff hann, vom Krangewahn abgehollwor senn. B: De Siegtreffer hat 5 Minudde vor Schluß de Hahn-Sven gemacht – unn das mem linge Fuß. T: dodroff hin hann die 2 Co-Trainer, de Abbes unn de Müllersch Lothar gefroht, wieso er dann met Links unn net wie sonschd met Rechts geschoß hätt. Do hatt de Sven nur gement – ei ich hodd die Schuh verkehrt rum ahn. B: Komm, ma gugge mol was es noch für Seite von Walhause gebt. Gugge mol do, ess das net de Poschd-Klaus .... ? Ach jo, do ess die Seit von der „mutwilligen Feuerwehr Walhausen“ T: Die Walhauser Feuerwehr ess jo sogar schon bei Sodom und Gomorrha in da Bibel erwähnt wor: „Sie trugen spaßige Gewänder und liefen ziel- und planlos hin und her.“ B: Die senn jo ach e ziemlich modern eingerichtete Truppe. Die hann sogar für jedes Loch em Schlauch e eigener Zuhaller. T: Das ess ach bei däne alles ganz genau organisiert. Wenn ich z.B. siehn, dass es im Ewereck brennt. Dann laff ich ganz schnell zum Brandmeischder, em Poschd-Klaus in die Hanfgärte. Der fährt off die Seifurt, bei de Ortsvorsteher, de Schlessel vom Feierwehrhaus holle, bringt däne bei de Müllersch Lothar unn der gebt dann Alarm. B: Do hann die jo e ganz tolles System entwicklet: Geht die Siren 1 mol – dann brennts nur e bisje Geht se 2 mol – dann brennts e bisje meh T: Unn wenn se dreimol geht, dann es werklisch e großie Brandkatastrophe, hä ?
Feierwehrhaus kä Bier meh im Kühlschrank T: Wenn werklisch Alarm es, senn se awwer trotzdem schnell zur Stell’. Unn jeder wäß direkt, was er se dun hat. De André z.B. fährt als erschdes no Terkemill es Feierwehraudo tange. B: unn de Meiersch Jochen geht en der Zeit en Krämersch Löschbabier kaafte. T: Die hann jo ach e vollautomatisches Feierwehraudo: wenn ma do vorne die Fahrerdier zuschlaat, geht hinne vollaudomatisch de Kofferraum off unn die Bump fällt eraus. B: Wenn se dann endlich an de Brandstell ankomme, hann die Leit es Feier meischdens schon gelöscht. T: deledschd hats zwar noch gebrannt, wie se komm senn, awwer do senn die Bremse net gang unn se muschde so lang ums Feier rumfahre, bess es Benzin all war – ähn Gleck, dass de André vorher getankt hodd. B: Wie se dann endlich am Lösche ware hat de Joschde Werner noch gemennt, ähn gleck, dass es do brennt, sonschd wischde mir jo gar net, was ma met dam ville Wasser anstelle sollde. T: Apropos – Feier – gebt’s eigentlich ach e Seit vom Meiler ? B: waat ich gugge mol – ach jo www.qualmender-Hügel.de - och gugg mol do ess jo e ganz großes Bild vom TT T: Ach jo, vom Berno seinem Rennwahn. Do gebts jo ach e Story … Wie er däne de erschde Dach hodd, do ess er no Nohfelle bei de Weider Roschdwerschdjier holle gefahr. Off em Reckwäsch kurz vor Terkemill hat er dann de Bayer am Stroßerand stehn gesiehn. Der kund nimee weider fahre. Unn weil de Berno sich so iwwer sei Audo gefreit hat, hat er ne abgeschleppt. Er hat zum gesaat, wenn ich da zu schnell fahre, dann duschde ähnfach tude odder blinke, dann mach ich langsam. So hann se das ach gemacht. Das hat ach ganz gudd geklappt, nur zwische Terkemill unn Walhause ess es de Berno doch iwwerkomm unn er hat so richtisch Gas genn. De Bayer hat hinnedran getut unn Lischthup gemacht unn geblinkt ... awwer de Berno hat nix gemerkt. Unnerwäschs ess ne de Böhmer mem Fahrrad entgeje komm unn hat die ganz Sach gesiehn.
mir dann verzehlt, du glabschd gar net, was ich heut erlebt hann: de Berno ess mit 200 Sache von Tergemill no Walhause gerast unn de Bayer wolld ne iwwerholle. B: Ämol war jo ach Großalarm. De Berno hodd das Audo hinerm Haus geparkt unn wolld e bisje Ruhe. Off ämol ess die Alarmanach losgang – de Berno hat senkrecht im Bett gestann. Sogar de Achim hat se unne im Owwereck gehert unn gedacht, dass do irgendwatt net stimme kann. Hat sich e Knüppel geschnappt unn es hoch en die Ritzwies gefahr – awwer es war falscher Alarm – es war nur em André sei Muschi, also sei Katz – die wollt sich es bisje ausruhe. T: Gugge mol, do hann se jo ach de beschde Spruch aus em Gästebuch veröffentlicht „Am Wald steht eine Köhlerhütt, die brennt so vor sich hin – alle Köhler stehn drumrum, nur der Achim sitzt noch drin“ B: Ämol ess jo de Peiffersch Eberhard moins aus em Wald komm unn hat zum Willibald gesaat, Du glaabschd net, was ich aweilgeschoß hann – do hat der nur gement, brauschd nix se sahn, ich hann ne ewe ins Krangehaus gebrung - es geht em awwer schon widder besser T: Ess jo ach e haufe passiert am Meiler – unn es ware jo e Haufe Leit do – nur änie Person ess leider net erschien – die Maria von Marpinge B: Jetzt mol zu na ganz anner Erscheinung - sah mol, hat eigentlich de Fettese Klaus ach e Homepage ? T: jo ich glaab – such mol enfach no Fettese Klaus ... B: Oh näää ...! T: Was ess dann ? B: Ei den Computer ess abgestürzt – der hat dat mem Klaus net üwwerläbt T: Wie senn ma jetzt draus odder was ? B: Jo sit so aus - Naja, ich glaab es wird jetzt sowieso Zeit für Schluß se mache. Ihr kenne jo die Woch selbschd noch e bisje Surfe B&T: Also dann Aleeh hoop !!!!!!!!!
bschmitt
rmw
jacobian
hursman
lemiorhan
cromwellryan
jrom
rasmusluckow
denniskardys
philhawksworth
orderedlist
ammeep
akosma
