10.2 - Ħajti Talba

L-4 tipi ta' talb imsemmija fil-ktieb tar-Reliġjon tal-ħames sena u spjegazzjoni tagħhom.

Transcript

1. Ħajti Talba Paul A. Rapa Kap 10: Infaħħru ‘l Alla f’Talbna Lezzjoni 2
2. Aħna nitolbu għax nafu li Alla jkun jixtieq li nitkellmu miegħu dwar dak li nkunu għaddejjin minnu.
3. Għalkemm hu jaf kollox u jifhimna mill- ewwel, xorta waħda jkun jixtieq lilna li ngħidulu x-xewqat u l-ħsibijiet tagħna.
4. Hemm erba’ modi ta’ talb. Dawn huma kollha tajbin u jiddependu minn dak li nippreferu nagħmlu aħna.
5. L-ewwel mod ta’ talb huwa dak ta’ devozzjoni. Dan it-talb huwa bbażat mill-Bibbja.
6. Ħafna nies iħobbu jaqraw vers jew silta mill-Bibbja imbagħad jitolbu fuq dak li jkunu qraw.
7. Ħafna drabi l-ħin tat- talb jibda permezz ta’ qari ta’ wieħed mis-Salmi.
8. It-tieni mod ta’ talb huwa dak spontanju. Dan it-talb huwa dak li ngħidu f’mumenti partikolari mingħajr ħafna ħsieb u preparazzjoni.
9. Ħafna talb spontanju huwa ta’ ringrazzjament lil Alla għal dak li nkunu qed naraw madwarna jew għal dak li nkunu għaddejjin minnu.
10. “Grazzi Mulej tas-sbuħija ta’ nżul ix-xemx!” “Grazzi Mulej talli tajtni ġurnata sabiħa!”
11. Nies oħrajn jippreferu jkollhom diskursati twal mal-Mulej. Huma jemmnu li Alla qiegħed jismagħhom u għalhekk jitkellmu miegħu fit-tul dwar dak li jixtiequ, dak li jinkwetahom u dak li jkunu għaddejjin minnu.
12. Dan it-tip ta’ talb jissejjaħ talb ta’ kontemplazzjoni. Dan it-tip ta’ talb isir l-aktar quddiem Ġesù fit-tabernaklu f’xi knisja jew kappella.
13. Oħrajn jippreferu li waqt it-talb jagħmlu xi tip ta’ azzjoni. Dawn in-nies iħossu li jitolbu aħjar waqt li jimxu jew jagħmlu xi ħaġa. Isibuha diffiċli joqogħdu bilqiegħda f’post wieħed u għalhekk iżidu l-moviment mat-talb tagħhom.
14. Għal uħud, li tagħmel karità, jew turi ħniena ma’ xi ħadd huwa wkoll mod kif titlob. Hekk it-talb ma jibqax kliem biss, imma jsir għemil fil-prattika.
15. Tajjeb niftakru li anke l-kant huwa mod kif nitolbu. Għalhekk tajjeb li waqt il-kant fil- quddiesa nieħdu sehem għaliex dak il-waqt inkunu qegħdin infaħħru lil Alla bil-vuċi tagħna.
16. Tmiem